Alta estas abstrakta tabulludo por du ludantoj elpensita de Dan Troyka en 2002.  Tiu ĉiludo apartenas al konekt-luda familio, same kiel Hex, Metamorphosis kaj Talpa.

• Ludtabulo
• Celo
• Ludi

Alta'n oni ludas per diamantforma ludtabulo. La plej dekstra kaj la plej maldekstra ĉeloj ruĝas, kaj la plej supra kaj la plej malsupra ĉeloj bluas. Ludantoj surmetas specialajn pecojn nomatajn "ŝaltiloj" sur la ludtabulajn ĉelojn:

La celo de Alta estas konstrui neinterrompitan ĉenon el "ŝaltiloj" (el iu ajn koloro, t.e.: viaj pecoj kaj ankaŭ tiuj de via kontraŭulo validas) konektantan la kontraŭajn ĉelojn de la ludtabulo markitajn per via koloro.

Vi venkas la matĉon se vi ludas atingante vian celon, eĉ se via ludado kreas neinterrompitan ĉenon el "ŝaltiloj" konektantan la ĉelojn de via kontraŭulo.

Se vi ludas tiel, ke vi atingas la celon de via kontraŭulo ne atingante vian propran celon, vi malvenkas.

La matĉo komenciĝas per malplena ludtabulo.

Ludantoj alterne movas. La Ruĝulo unue movos.

Ĉiun ludovicon ludanto rajtas fari unu el la jena:

• Surmeti novan "ŝaltilon" (laŭ unu el la du eblaj direktoj) sur malplenan ĉelon de la ludtabulo krom sur tiujn malpermesitajn ĉelojn.
  Malpermesitaj ĉeloj estas tiuj, kiuj apudas al la ĉeloj markitaj per la kontraŭula koloro:  A4-A5-A6-I4-I5-I6 por la Bluulo kaj D1-E1-F1-D6-E9-F9 por la Ruĝulo.

aŭ

• "Ŝanĝi" la direkton de unu el la "ŝaltiloj" kuŝantaj sur la ludtabulo.